Georgian (Georgia)English (United Kingdom)Russian (CIS)

Quality Lab

A+ R A-

ბოსტნეული

ნიორი - ნიორის შერჩევისას გაითვალისწინეთ, რომ პროდუქტი უნდა აკმაყოფილებდეს ხარისხის შემდეგ პარამეტრებს: იგი უნდა იყოს მშრალი, ახალი და მწიფე. ნიორის თავი უნდა იყოს მსხვილი და მკვრივი კბილებით. შეამოწმეთ პროდუქტი სიმწიფეზე (ხომ არ არის ის დროზე ადრე დაკრეფილი) ხელის შეხებით.

დაწვრილებით...

სიმინდი - სიმინდის შეძენისას უნდა მივაქციოთ ყურადღება რომ სიმინდი იყოს ნედლი, ანუ ის უნდა იყოს რძისებრი სიმწიფის ფაზაში. ამ მდგომარეობაში ის ყველაზე გემრიელი და ადვილად მოსამზადებელია. მივაქციოთ ყურადღება, იმას რომ მარცვლები არ იყოს გაფუჭებული, ფოთლები იყოს ხასხასა მწვანე და სიმინდის ულვაში ნედლი.

თუ ტაროს წვერზე შეამჩნევთ მატლს, იგი უნდა მოვაშოროთ და მშვიდად მივირთვათ. რადგან ეს მიმანიშნებელია, იმისა რომ ტარო მოყვანილია პესტიციდების (ნიტრატების) გარეშე.

დაწვრილებით...

სტაფილო - სტაფილოს შეძენისას ყველაზე დიდი ყურადღება ექცევა მის ვიზუალურ მხარეს, რაც უფრო ლამაზია პროდუქტი, მით უფრო სასარგებლოა. სტაფილოს ლამაზი შეფერილობა მიგვანიშნებს მასში სასარგებლო ნივთიერების კაროტინის არსებობაზე. ეს უკანასკნელი დიდი რაოდენობითაა აგრეთვე გოგრისებრთა ოჯახის ბოსტნეულში (გოგრა, ნესვი)
იდეალურად ითვლება სტაფილო, თუ იგი სწორი, მაგარი, გლუვია და ბოლო მომრგვალებული აქვს.

მისი სიახლე შეგვიძლია განვსაზღვროთ ყუნწის შეფერილობით. მისი მწვანე ფერი ამის დასტურია.
ძალიან დიდი ზომის ნაყოფი არ გამოირჩევა კარგი გემოვნებით. ცნობისათვის, მუქი შეფერილობის სტაფილო მოკლე „კუდით“ როგორც წესი, უფრო გემრიელი და სასარგებლოა, ვიდრე ღია ფერის და გრძელ „კუდიანი“.

დაწვრილებით...

ლობიო - ხარისხიანი პარკოსნების არჩევა არც თუ იოლი საქმეა. პირველ რიგში მიაქციეთ ყურადღება გარეგნულ იერ-სახეს. დავიწყოთ იმით, რომ ეს საკები პროდუქტი პარკოსანი მცენარის თესლს წარმოადგენს. საკვებად მოსახმარია მათი მწვანე პარკები ან ხმელი თესლი. ხმელ პროდუქტში ყურადღება მივაქციოთ მის ზომასა და ერთგვაროვნებას. ზომა რაც შეიძლება თანაბარი უნდა იყოს, ხოლო შეფერილობა კი, ერთი სახის. თესლი უნდა იყოს დაუზიანებელი.    ხარისხიანი პროდუქტი გლუვი და ხასხასა შეფერილობისაა  და კანზე არა აქვს ლაქები.

გაითვალისწინეთ, რომ ხშირად მავნე მწერები აზიანებენ მათ. თუ პარკოსნების შეძენა ნედლი სახით გადავწყვიტეთ, მაშინ შეამოწმეთ, ხელით მოღუნვისას პარკები არ უნდა იმტვრეოდეს და იხსნებოდეს. ეს იმის მიმანიშნებელია რომ, ზომაზე მეტადაა მწიფე. უფრო გემრიელი და სასარგებლოა ქორფა მწვანე პროდუქტი.  იგი ვიტამინებსაც უფრო მეტი რაოდენობით შეიცავს და არა აქვს უხეში ბოჭკო. ყველაზე პოპულარული პარკოსნებია: ბარდა, ლობიო, ოსპი, სოიო. საინტერესოა ისიც, რომ არაქისი ამ ოჯახის მცენარეებს მიეკუთვნება, თუმცა ჩვენ მას მოვიაზრებთ კაკლოვანთა ოჯახში.

პარკოსნების ხარისხი ბევრად დამოკიდებულია მისი შენახვის პირობებზე. ისინი ყოველთვის სიმშრალეში უნდა ინახებოდეს.  შეძენის შემდეგ (კარგად გამომშრალი, ხმელი) მაგ, ლობიო მოვათავსოთ ჰერმეტულად დახურულ ჭურჭელში(ქილებში) და შევინახოთ გრილ და ბნელ ადგილზე.

დაწვრილებით...

ბოლოკი გაზაფხულზე ერთ-ერთ ყველაზე ადრე შემოსულ ბოსტნეულს განეკუთვნება. სწორედ ამ ტიპის ბოსტნეულის შეძენისას გვმართებს ორმაგი სიფრთხილის  გამოჩენა, ვინაიდან შესაძლოა ისინი ნიტრატების  ჭარბ რაოდენობას შეიცავდეს. სასარგებლო,  საღი ბოლოკის კანი,  გლუვი,  თანაბრად შეფერილია და მას ლაქები არა აქვს. ასევე დაუშვებელია მასზე ნახეთქების არსებობა. ფოთლები ბოლოკს ხასხასა მწვანე და წვნიანი  აქვს.


ბოლოკის არჩევისას შევეხოთ მას.  იგი არ უნდა იყოს რბილი. ჭამის წინ ბოლოკს მოვაჭრათ ფოთლები და კუდი, რადგანაც, მავნე ქიმიკატები, მცენარის ამ ნაწილში გროვდება. ასევე ნიტრატების მინიმალურ რაოდენობას შეიცავს მრგვალი ფორმის ბოლოკი.


ბოლოკი უნდა შევინახოთ მაცივარში. მაცივარში მოთავსებამდე სასურველია მოვაჭრათ ფოთლები. თუ მას დავუტოვებთ,  პერიოდულად მისი წყლით დასველება მოგვიწევს. ასეთ პირობეში მისი შენახვის ვადა ორი კვირაა. ზუსტად ანალოგიური შენახვისა და შერჩევის პირობები ახასიათებს თალგამსაც.

კომბოსტო - კომბოსტოს რამდენიმე სახეობა არსებობს: თეთრი, ყვავილოვანი, ფერადი, ბროკოლი, ბრიუსელის, პეკინის და კოლრაბი.

თითოეულ მათგანს თავისი ნიუანსი ახასიათებს. თუმცაღა აქვთ საერთოც: მაგალითად, ყველა მათგანი უნდა იყოს მკვრივი, წონადი, ახალი ფოთლებით. გამოიჩინეთ სიფრთხილე კომბოსტოს შეძენისას, ვინაიდან სხვა ბოსტნეულისაგან განსხვავებით იგი ყველაზე მეტადაა მიდრეკილი ნიტრატების დაგროვებისაკენ. ამ თვალსაზრისით მას საზამთროც კი ვერ შეედრება.

კომბოსტო, რომელიც მოყვანილია დიდი რაოდენობით სასუქის გამოყენებით, ფოთლები და ღერო შედარებით მსხვილი აქვს, ვიდრე ჩვეულებრივს.  თუ ეჭვი გვეპარება მის კეთილხარისხოვნებაში, მოვაშოროთ გარეთა ფოთლები და კობოსტოს შიგნით არსებული გამსხვილებული ღერო, ვინაიდან ნიტრატების დაგროვება მცენარის ამ ნაწილში ხდება.

ჩვეულებრივი თეთრი და ფერადი თავხვეულა კომბოსტოს შეძენისას ყურადღება მიაქციეთ, რომ თავი იყოს შეკრული, მკვრივი და არ ჰქონდეს ნახეთქი. ფოთლები კი,  ნაზი, მთელი, ერთგვაროვანი, ხასხასა შეფერილობის (მოიისფრო, მოშინდისფრო). ღერო არ უნდა იყოს ძალიან მსხვილი.
ბრიუსელის კომბოსტოს შემთხვევაში კი, თავები რაც პატარაა, მით უფრო გემრიელია. დიდი ზომის თავებს, ხშირად სიმწარე ახასიათებთ. პეკინის კომბოსტოს ახალი და მკვრივი ფოთლები უნდა ჰქონდეს.

დაწვრილებით...

ყაბაყი: ყიდვისას შევარჩიოთ ქორფა ნაყოფი. უმჯობესია, მას ცოტა აკლდეს მომწიფება, ვიდრე იყოს გადამწიფებული. დიამეტრი არ უნდა აღემატებოდეს 8სმ-ს. ხელით მოსინჯეთ ზედაპირი -  ყაბაყი უნდა იყოს ძალიან ნაზი, ნახეთქების გარეშე.  სიახლის მაჩვენებელია, თუ იგი ადვილად იჩხვლიტება ფრჩხილით.

სხვა ბაღჩეული კულტურებისგან განსხვავებით, ყუნწი უნდა იყოს მწვანე და ნედლი. მოყვარულმა მყიდველმა იცის, რომ პატარა ზომისა და ქორფა ყაბაყი უფრო გემრიელია. კანი უნდა იყოს თხელი და ნაზი (უხეში და სქელი კანი აქვს ზამთრის ჯიშებს) მაგრამ არ დაგვავიწყდეს, რომ თავად ნაყოფი უნდა იყოს მძიმე და მკვრივი. ევროპაში პოპულარულია ყაბახის ჯიში ე.წ.  - ცუკინი. ეს უკანასკნელი ყაბაყისგან გასხვავდება ფორმითა და შეფერილობით. მას ძირითადად ყვითელი და მუქი მწვანე შეფერილობა აქვს.    

ყაბაყი კარგად ინახება 0-5 ◦c ტემპერატურაზე 85% ტენიანობის პირობებში ორი კვირა. პრინციპში შესაძლებელია მეტიც, მხოლოდ ამ შემთხვევაში, იგი კარგავს სასარგებლო ნივთიერებებს. მაცივარში უნდა მოთავსდეს ღია მოცულობაში, ან გრილ და მშრალ სარდაფში. ყაბაყის შენახვა შესაძლებელია სხვადასხვა წესითა და სახით. მისი გაყინვა ორგვარად შეიძლება: მსხვილ სახეხზე გახეხილი (ზედმეტი ტენის მოსაშორებლად), ან დაჭრილი პატარა ნაწილებად.

წიწაკა ორი სახეობის არსებობს: პირველი - ტკბილი წიწაკა, რომელიც გამოიყენება როგორც ბოსტნეული სალათებში და სხვადასხვა კერძებში, ხოლო მწარე წიწაკა, როგორც საკაზმი (პაპრიკა, ჩილი და სხვა).

ტკბილი წიწაკა ჩვენთვის ცნობილია, ბულგარული წიწაკის სახელწოდებით. გთავაზობთ, თუ როგორ უნდა შევიძინოთ ხარისხნიანი ბოსტნეული და შევინახოთ რაც შეიძლება დიდხანს.

შეძენისას მივაქციოთ ყურადღება გარეგნულ იერსახეს. ნაყოფი უნდა იყოს ახალი, მთლიანი ყუნწით,  მის შეფერილობას დიდი მნიშვნელობა არა აქვს. (იგი შეიძლება მერყეობდეს თითქმის თეთრიდან - მუქ მწვანემდე, ღია წითლიდან- მუქ წითლამდე, სტაფილოსფერი, ყვითელი, იისფერი) ნაყოფი უნდა იყოს სუფთა და გლუვი ზედაპირით - დაუშვებელია მასზე ლაქების, ნახეთქების, ნაოჭების არსებობა.

მიაქციეთ ყურადღება ყუნწის ბოლოს. მას არ უნდა ჰქონდეს სისველე და რაიმე დეფექტი. ეს შეიძლება მიმანიშნებელი იყოს იმისა, რომ ნაყოფს დაწყებული აქვს ლპობა.

დაწვრილებით...

ჭარხალი ძალიან სასარგებლო საკვები პროდუქტია. ყიდვისას სწორად რომ შევარჩიოთ იგი, ყურადღება უნდა მივაქციოთ ძირქვენების ხარიხისხს (სტაფილო, ბოლოკი, ნიახური და სხვა) მახასიათებელ ნიშნებს.

ჭარხლის კანი უნდა იყოს თანაბარი, ნახეთქების, ხორკლების და სხვა დეფექტების გარეშე. შიგთავსი ერთგვაროვანი, არ უნდა შეიცავდეს სიცარიელეს და ცალკეულ მკვრივ ჩანართებს და ლაქებს. თუ ყუნწთან მწვანე ყლორტები აქვს, ეს ნიშნავს რომ ნაყოფი ქორფაა.

გირჩევთ არ შეიძინოთ  ღია შეფერილობის და მსხვილი თავები, ამ ჯიშის ჭარხალს  ცხოველების საკვებად გამოიყენებენ.

შენახვამდე ჭარხალი კარგად გამოვაშროთ და დავუტოვოთ  ყუნწი დაახლოებით 2 სმ-მდე, ვინაიდან იგი იზიდავს სინესტეს. ამ პირობების სწორად დაცვის შემთხვევაში, მისი შენახვის ვადაა ერთი წელიწადი.

იგი კარგად ინახება გრილ და კარგად განიავებულ სარდაფში - ყუთებში ან გროვებად. დასაშვებია აგრეთვე ნესტიან ქვიშაში. ყურადღება უნდა მიექცეს  გაფუჭებული და გაღივებული თავების დროულად მოცილებას.

დაწვრილებით...

200ბადრიჯანი - არის მსხლის ფორმის გრძელი ნაყოფი, მუქი იისფერი პრიალა ზედაპირით. გავარკვიოთ ხარისხის რომელ თვისებებს მივაქციოთ ყურადღება ამ ბოსტნეულის შეძენისას:

სასურველია ნაყოფი იყოს ქორფა, ამის მაჩვენებელია: გლუვი, პრიალა, მშრალი ზედაპირი,  ხოლო ხელის შეხებით მკვრივი, მწვანე ყუნწით. მოყავისფერო შეფერილობა, ნაოჭიანი ზედაპირი და კანზე მუქი და ღია ლაქების არსებობა მიუთითებს მის სიძველეზე.

კანი თანაბრად უნდა იყოს იისფერი, მწვანე ფერის ჩანართების,  მკვივი და მჭიდრო რბილობი სიცარიელების გარეშე. ნაყოფი უნდა შეიცავდეს მცირე რაოდენობის თესლს, ხოლო ეს უკანასკნელი უნდა იყოს მოუმწიფებელი. მუქი ფერის თესლი გადამწიფებულობის მაჩვენებელია.

ბადრიჯნის  ნაყოფი  ორსქესიანია. უკეთესი გემოვნური თვისებებით გამოირჩევა „მამრობითი“ ნაყოფი, რომელსაც ბოლოზე აქვს მცირე მრგვალი ფორმის ჩაღრმავება, ხოლო „მდედრობითს“ კი - დიდი ზომისა და ოვალური ფორმის. ასევე „მდედრობითი“  ნაყოფი შეიცავს თესლებს დიდი რაოდენობით, რაც სიმწარეს აძლევს მას. ზუსტად იგივე პრინციპით ავარჩიოთ საზამთროც.

დაწვრილებით...

200კიტრი - ზაფხულში ძნელია მოიძიო სუპერმატკეტში ან ბაზრობაზე ადამიანი, რომელიც არ გეგმავს ბოსტნეულის შეძენას. კიტრი, როგორც პომიდორი და კარტოფილი, მსოფლიოში პოპულარულ ბოსტნეულად არის აღიარებული. მას მიირთმევენ ყველგან. გამონაკლისია ის ადამიანები, რომელთაც აქვთ შიში არ მოიწამლონ ნიტრატებით, მაგრამ ამ ტიპის მომხმარებელიც იცვლის აზრს, როდესაც შეუძლია კიტრის ხარისხის განსაზღვრა.

მაშასადამე, კიტრის ამორჩევისას მიაქციეთ ყურადღება, რომ ის არ იყოს რბილი, ძალზედ დიდი ზომის და მოღუნული. ნაყოფის შეფერილობა უნდა იყოს თანაბარი, მწვანე ან მუქი მწვანე ჯიშის მიხედვით. თუ კიტრი გაყვითლებულია, ეს შეიძლება ნიტრატების შემცველობის მაჩვენებელი აღმოჩნდეს. ყუნწი უნდა იყოს ნედლი და მაგარი. ხარისხიანი კიტრი უნდა იყოს არომატული და ხრაშუნა.

კიტრი სახეობების მიხედვით, შეიძლება იყოს გლუვი ან  ხორკლიანი. ეს უკანასკნელი, უფრო გემრიელია. კიტრი შავი ხორკლებით გამოიყენება მარინადის მოსამზადებლად. (ანუ დასამჟავებლად) ხოლო თეთრი ხორკლებიანი კიტრი უმჯობესია მოვიხმაროთ ნედლად.

დაწვრილებით...

200პომიდორი - არის ბოსტნეული, რომელიც ჯანმრთელობისათვის ძალიან სასარგებლოა და გააჩნია სასიამოვნო გემოვნური თვისებები. ყიდვისას რომ სწორედ შევარჩით პომიდორი, საჭიროა გამოვიყენოთ ჩვენი ბუნებრივი არსენალი - მხედველობა, ყნოსვა და შეხება.

პომიდორი გვხვდება მკვეთრი წითელი, თეთრი, ყვითელი, ვარდისფერი და ა. შ. კვებითი ღირებულება თითქმის ყველა პომიდორს ერთნაირი აქვს, მაგრამ ალერგიული ადამიანებისთვის უკეთესია ნაკლებად წითლად შეფერილი ნაყოფი. შეძენისას კარგად დაათვალიერეთ ყუნწის მიდამო. ახლად დაკრეფილი პამიდვრის ყუნწი უნდა იყოს მკვეთრი მწვანე და ნედლი, წინააღმდეგ შემთხვევაში პამიდორი არის დამწიფებული დაკრეფის შემდეგ.

 

თუ არის საშუალება, სასურველია შეძენის დროს ვნახოთ გაჭრილი პომიდვრის ნაყოფი. ხარისხიანი პომიდორი უნდა იყოს თეთრი ჩანართების გარეშე, სავსე წვნიანი შიგთავსით.რაც ცოტა თესლი აქვს ნაყოფს, მით უფრო გემრიელია იგი და ნაკლებად ზიანდება ტრანსპორტირებისას.

დაწვრილებით...

მწვანე ხახვი – გირჩევთ შეუცვლელ და ძალიან სასარგებლო პროდუქტს.

მწვანე ხახვის ყიდვისას უნდა იცოდეთ, რომ უკეთესია მუქი მწვანე შეფერილობის ფოთლები, მკვრივი თეთრი თავით. როგორც წესი, რაც უფრო მუქია მით უფრო მწარეა ფოთლები. ზომასაც აქვს მნიშვნელობა - არ გირჩევთ განსაკუთრებულად დიდი ზომების შერჩევას.

ყურადღებით დააკვირდით მწვანე ხახვის ფოთლებს - ის არ უნდა ლორწოვანი, თეთრი ნადებით და გამომშრალი (განსაკუთრებით კალმის წვერზე). ამ არაჩვეულებრივი ბოსტნეულის ღერო უნდა იყოს გლუვი და დაუზიანებელი. მომჭკნარი და გაყვითლებული ფოთლები, შეიძლება დაავადების ნიშანი იყოს.

დაწვრილებით...

200ხახვი: შერჩევისას, ყურადღება მიაქციეთ ბოლქვის სიმტკიცეს. სცადეთ ხელით მოსინჯოთ: ხრაშუნის ხმა კარგი ნიშანია. ყურადღებით დაათვალიერეთ ბოსტნეული - მას არ უნდა ჰქონდეს არანაირი ლაქა. ბოლქვის მშრალი კანი კარგი ხარისხის მაჩვენებელია.

თავიანი ხახვის ფერი შესაძლებელია დამოკიდებული იყოს მის სხვადასხვა სახეობაზე. საერთოდ ღია ფერის ბოლქვებს, ნაკლებად მკვეთრი, გამაღიზიანებელი სუნი აქვთ. თუ ირჩევთ ყვითელ თავიანებს შეეცადეთ აირჩიოთ ოქროსფერი საფარველით.

ხახვის ზომა, ისევე როგორც ნებისმიერი ბოსტნეულის, არ უნდა იყოს დიდი, რადგან მისი შიგთავსის ფურცლებში გროვდება დიდი რაოდენობით ტენი, რაც მნიშვნელოვნად მოქმედებს პროდუქტის ხარისხზე. გემო კი შეიძლება ჰქონდეს არაბუნებრივად ტკბილი.

დაწვრილებით...

კარტოფილი: საკმაოდ პოპულარული ბოსტნეულია და მისი შეძენა შესაძლებელია წლის ნებისმიერ დროს. არსებობს მისი სხვადასხა ჯიშები. მთავარი განსხვავება სახამებლის შემცველობაა. რაც უფრო მეტად ყვითელია მისი ტუბერი, მით მეტია მასში სახამებელი. შესაწვავად უკეთესია ნაკლებად სახამებლიანი, მოსახარშად კი სასურველია ის იყოს მეტი (მკაფიოდ ყვითელად შეფერილი).

კარტოფილის არჩევის დროს ყურადღება მიაქციეთ მის გარეგნულ სახეს. ზედაპირი უნდა იყოს თანაბარად გლუვი, ბზარების, ლაქების, წარმონაქმნებისა და სხვა დეფექტების გარეშე. უნდა იყიდოთ სუფთა კარტოფილი, შეფერილობა უნდა იყოს თანაბარი, მკვეთრი მუქიდან ღია შეფერილობისკენ გარდამავალი ფერის გარეშე. არც ერთ შემთხვევაში არ უნდა იყოს მწვანე ფერის, ეს მიანიშნებს ტოქსიკური ნივთიერებების სოლონინის არსებობას.

დაწვრილებით...